فيديو هاري بوتر وحجر الفيلسوف مدبلج بالمصري (9) أستاذ الوصفات

 أول أسبوع لهاري بوتر في مدرسة هوجورتس لتعليم السحر، اللي عاملة زي المتاهة بسلالمها الكتير اللي بتغير اتجاهاتها، وبيبانها الغريبة، ولوحاتها وحيطانها اللي بتتحرك، وتخلي هاري وكل زمايله يتوهوا في القلعة ويتأخروا عن الدروس. الطلاب بيخرجوا من الفصول عشان يشوفوا هاري وهو ماشي في الممرات، والمدرسين بيهللوا من الفرحة لما يقروا اسمه في كشف الغياب، طبعا مش كلهم. بيعرف هاري ان السحر مش حركة عصاية وكلمتين يقولهم، السحر دراسة وقراءة وتعليم، فلك وعلم نبات وتعاويذ وتحويل ووصفات، وآه من الوصفات وأستاذ الوصفات سيفروس سنايب، اللي بيعامل هاري بطريقة غريبة تقول انه بيكرهه، لكن ليه بيكرهه، ده اول مرة يشوفه؟