هنبدأ بقراءة سلسلة من أحب وأقرب الكتب لقلبي سلسلة هاري بوتر
هنقراها باللغة العربية الفصحى،
وهنقراها بالعامية المصرية عشان نرضي كل الأذواق
هنعمل كمان فيديوهات لتحليل شخصيات الرواية
وتحليل ودوافعهم وأسرارهم وحياتهم قبل وبعد أحداث الرواية
وهنشرح كل الأحداث الغامضة ونربطها ببعض
عشان نفهمها كويس ونفهم تأثيرها على الشخصيات وباقي الأحداث
هنشرح كمان بعض المصطلحات الصعبة والغريبة المذكورة في الرواية
زي الهوركوركس ومقدسات الموت وغيرها هنقول معناها وأصلها وتأثيرها
وأكيد هنتواصل معاكم عن طريق التعليقات
عشان نعرف آرائكم وتعليقاتكم ونقدكم
وأي تعديلات أو موضوعات تحبوا نتكلم عنها
هتلاقوا في المدونة أقسام كتير
هاري بوتر بالمصري
عشان كل حاجة بالمصري أحلى هنحكي قصة هاري بوتر بالمصري،
هتكون قريبة لقلوبنا وعقولنا، زي حكاياتنا اللي بتحكيها الجدات
لو لسة بتحبوا تسمعوا حكايات قبل النوم، أو كبرتم والمفروض انتم اللي تحكوا
حكايات قبل النوم، ممكن تيجوا هنا وتسيبولي المهمة دي، هنحكي كل ليلة جزء
من الحكاية، ألف ليلة وليلة، ويمكن أكتر، الحكايات كتير
وماتقلقوش ده مصري بجد،
من غير كلام غريب وألفاظ بعيدة عن مصر الجميلة
هاري بوتر باللغة العربية الفصحى
لأن الأفلام ليست كافية بالمرة، ولأن ليس كل عشاق هاري بوتر يملكون
الوقت لقراءة الكتب والغوص في أعماق عالمها السحري الفريد، جاءت هذه
السلسلة من الكتب الصوتية لتساعدكم على دخول عالم هاري بوتر في أي وقت
وفي أي مكان. ترجمة غنية ووافية خاصة بنا، يمكنك سماعها في فيديوهاتنا أو
قراءتها بنفسك في الموضوعات المكتوبة.
أسرار وخفايا هاري بوتر
تحليل شخصيات الرواية ودوافعهم وأسرارهم وحياتهم قبل وبعد أحداث
الرواية وشرح كل الأحداث الغامضة وربطها ببعض عشان نفهمها كويس
ونفهم تأثيرها على الشخصيات وباقي الأحداث
هنشرح كمان بعض المصطلحات الصعبة والغريبة المذكورة في الرواية زي
الهوركوركس ومقدسات الموت وغيرها وهنقول معناها وأصلها وتأثيرها
فولدمورت
سيد الظلام، انت تعرف من، الذي لا ينبغي ذكر اسمه، وبالبلدي كده اللي
مايتسمى، لكن قبل ما يبقى ده كله كان اسمه توم ريدل
بس مين هو توم ريدل ؟ مين ابوه ومين امه، هل هو فعلا وريث سلازار
سليزرين، ازاي وصل لملجأ من ملاجيء العامة واتربى فيه مش في العالم
السحري؟ وليه اصلا اتربى في الملجأ مع انه امه بس اللي ماتت وابوه كان لسة
عايش لحد ما وصل عمره ١٧ سنة
أسئلة كتير عن أصل توم ريدل( زي ما كان بيحب يناديه دمبلدور) وأسئلة
أكتر عن طفولته وشبابه قبل ما يبقى فولدمورت، وأسئلة أكتر وأكتر عن
حياة فولدمورت وموته
كل ده وأكتر هنجاوب عليه في حلقاتنا عن اللي ما يتسمى
أتمنى تستمتعوا بوقتكم معانا
المشاركات
