فيديو هاري بوتر بالمصري (1) الولد اللي نجا من الموت

اسمع هاري بوتر بالمصري- هاري بوتر وحجر الفيلسوف 1(الطفل اللي نجا من الموت)   

 هاري بوتر بالمصري 

 الولد اللي نجا من الموت 

  في البيت رقم 4 بشارع بريفت درايف بتعيش أسرة درسلي.

أسرة درسلي كانوا أسرة طبيعية عادية جدا، وفخورين جدا بكده، مابيحبوش أي شيء غريب، مابيعترفوش بأي شيء غريب، ما بيعرفوش أي حد غريب.

عشان كده ماكانش أي حد ممكن يتصور إن يحصل لهم أي شيء غريب.

السيد درسلي كان راجل ضخم ، سمين، رقبته كانت مختفية تماما بين أكتافه، وعنده شنب ضخم جدا، وبيشتغل مديرشركة حفارات.

السيدة درسلي بقى  كانت طويلة، و نحيفة، وعندها رقبة أد رقبة الإنسان العادي مرتين، وده كان بينفعها أوي لما تحب تبص على جيرانها من فوق سور الجنينة وتشوف بيعملوا ايه، وهي كانت بتعمل كده طول اليوم تقريبا.